Türkiyənin Stokholmdakı səfirliyi qarşısında Quranı yandıran Danimarkanın ifrat sağçı Hard Deal partiyasının lideri Rasmus Paludan Türkiyə lideri Rəcəb Tayyib Ərdoğanı hədələyib.
Publika.az “Aftonblated” nəşrinə istinadla xəbər verir ki, o bildirib: “İsveç NATO-ya qəbul olunana qədər hər cümə günü Türkiyənin Kopenhagendəki səfirliyi qarşısında Quranı yandıracam”.
Qəzet onu da yazır ki, Paludan Kopenhagendəki Rusiya və Türkiyə diplomatik nümayəndəlikləri yaxınlığındakı məsciddə üç Quranı yandırmaqla hədələyib. O, həmçinin bu hərəkətlərin sonuncu olmayacağına söz verib və buna görə Ərdoğanı günahlandırıb.
“Ərdoğan İsveçi NATO-ya buraxana qədər bunu etməliyəm”, – deyə "Aftonbladet" onun sözlərindən sitat gətirib.