20 ildən sonra ilk dəfə xəbərdarlıq edildi - Bu gün başlayır, çox təhlükəlidir...

ABŞ-ın Milli Okean və Atmosfer İdarəsi (NOAA) 20 ildən sonra ilk dəfə xəbərdarlıq edib. Bu gün günorta saatlarında kosmosda geomaqnit qasırğasının baş verə biləcəyi açıqlanıb.

Publika.az xəbər verir ki, NOAA qasırğanın dünyanın elektrik, rabitə şəbəkələrinə və peyk əməliyyatlarına təsir göstərə biləcəyini vurğulayıb.

Geomaqnit qasırğası günəş küləyinin şok dalğası və ya maqnit sahəsi buludunun Yerin maqnit sahəsi ilə qarşılıqlı təsiri nəticəsində Yerin maqnitosferində yaranan müvəqqəti pozğunluqdur.
Onlar Yerin maqnit sahəsində dalğalanmalara və pozuntulara səbəb olur.

Geomaqnit qasırğalarının təsirlərinə maqnit kompaslarının əyilməsi, radio rabitəsində fasilələr, elektrik şəbəkələrində gərginliyin dəyişməsi, peyklərin işində problemlər və kosmik gəmilərin elektron sistemlərinin zədələnmə potensialı daxildir.

Bəzi araşdırmalara görə, geomaqnit qasırğaları insan sağlamlığına da təsir edə bilər.