Azərbaycan buna imkan verməyəcək - Rusiya şərtlərə əmək ETMƏSƏ... - ŞƏRH

Rusiya Prezidenti Vladimir Putin Valday Beynəlxalq Diskussiya Klubunun iclasında çıxışı zamanı bəzi məqamlara toxunub. O bildirib kİ, Ermənistan və Azərbaycan sərhəd məsələsini sovet dövrünün xəritələri əsasında həll edə bilər, amma bu proses qarşılıqlı kompromislər tələb edir. Putinin verdiyi açıqlamalar birmənalı qarşılanmayıb. Bəs görəsən, Putin bu açıqlama ilə nə demək istəyir?

REPORTYOR.org xəbər verir ki, mövzu ilə bağlı açıqlama verən politoloq Qabil Hüseynli cavablandırıb. O bildirib ki, Rusiyanın son mövqeyi ermənipərəstdir:

"Putin bu çıxışı ilə demək istəyir ki, Cənubi Qafqaz onun həyətinin arxa bağçasıdır və bu regionda bütün qərarlar onun hegemonluğu ilə həyata keçirilməlidir. Ümumiyyətlə son zamanlar regionla bağlı bəzi məsələlərdə Rusiyanın və Putinin şəxsi mövqeyində müəyyən dəyişikliklər hiss edilir. Rusiyanın son mövqeyi ermənipərəstdir. Belə görünür ki, Zəngəzur dəhlizi ilə bağlı Rusiyanın qərarı müsbətdir. Lakin gələcəkdə sərhədlərin müəyyən edilməsi zamanı ərazi bütövlüyü məsələsi ön plana çəkilməzsə, Rusiyanın hegemonluğunu qəbul etmək lazım deyil. Azərbaycan Prezidenti İlham Əliyev hər zaman tərəflərin bir-birinin ərazi bütövlüyünün tanımasını əsas amil kimi ön plana çəkib. Bundan sonra sərhədlər dəqiqləşdirilə bilər. Ona görə də Putinin nə deməsindən asılı olmayaraq həlledici söz Azərbaycana məxsusudur. Çünki Azərbaycan müharibənin qalibidir. Bir zamanlar Qorbaçov Azərbaycana qarşı haqsız hərəkətlər etdi. İndi Azərbaycan azad, müstəqil və inkişaf etmiş ölkədir. Azərbaycan ona qarşı hər hansı qeyri-düzgün qərarın qəbul edilməsinə imkan verməyəcək”. / Redaktor.az