Coğrafiya İnstitutu: Son iki ildir Kür çayı Xəzərə şirin su gətirmir

"Xəzər dənizində suyun səviyyəsi düşüb. Aparılan tədqiqatlar göstərir ki, Volqa çayında suyun səviyyəsi 30 faizdən çox azalıb".

Reportyor.tv xəbər verir ki, bunu Coğrafiya İnstitutunun baş direktoru, professor Zakir Eminov deyib.

O bildirib ki, Kür çayı demək olar quruyub və son iki ildir Xəzərə şirin su gətirmir.

"Xəzərdə suyun səviyyəsinin azalmasının bir səbəbi də isti küləklərlə əlaqədardır. Son illərdə isti küləkli günlərin sayı artıb".

Zakir Eminov eyni zamanda, qeyd edib ki, su qıtlığı ilə mübarizədə suyun qiymətini artırmaqla məsələ həll olunmur:

"Əhali arasında maarifləndirmə tədbirləri artırılmalıdır. Lazım gələrsə inzibati tədbirlər görülməlidir".