Qənirə Paşayevaya yeni vəzifə verildi

Azərbaycanın Asiya Parlament Assambleyasında nümayəndə heyətinin tərkibi təsdiqlənib.
APA-nın məlumatına görə, Milli Məclisin Mədəniyyət komitəsinin sədri Qənirə Paşayeva Asiya Parlament Assambleyasında nümayəndə heyətinin rəhbəri seçilib.
Nümayəndə heyətinə Anar Məmmədov, İlham Məmmədov, Aydın Hüseynov daxildir.
Qənirə Paşayeva faktı APA-ya təsdiqləyib.
O bu etimad üçün parlament rəhbərliyinə təşəkkür edib.
“Ölkəmizi bu beynəlxalq təşkilatda layiqincə təmsil etmək üçün var gücümüzlə çalışacağıq”, - deyə Q. Paşayeva bildirib.
***
13.57
Azərbaycanın təmsil olunduğu beynəlxalq parlament təşkilatlarının sayı artır.
APA-nın məlumatına görə, Azərbaycan ilk dəfə Asiya Parlament Assambleyasında nümayəndə heyəti ilə təmsil olunacaq.
Bununla əlaqədar Milli Məclisdə nümayəndə heyəti formalaşdırılacaq.