“Bu gün Ərdoğanla Bayden arasında “F”-lər məsələsinin müzakirə ediləcəyi görüş baş tutacaq. Amerika Türkiyəni F-35 proqramından xaric etsə də, F-16 məsələsində 50/50-yə dayanır. Məlumat üçün bildirim ki, iki liderin görüşündən əvvəl Türkiyənin xarici işlər naziri Mövlut Çavuşoğlu ilə həmkarı Sergey Lavrov görüşmüşdü.”
Ekspert Amerikanın Türkiyəyə qarşı sanksiyalarını və lirənin dəyər itirməsinin səbəblərini həmin mövzu ilə əlaqələndirib:
“Amerikanın istədiyi Türkiyənin S-400-lərdən imtina etməsidir. Türkiyə tərəfi bunu etmədiyi üçün Amerikanın sanksiyalarına məruz qalır. Diqqət etdinizsə, Ərdoğan Putinlə görüşdükdən və S-400-lərdən imtina etməyəcəyini dedikdən sonra “Lirə” bir xeyli ucuzlaşdı.”
Elman Vəliyev Ərdoğanın diqqət mərkəzində ola biləcək əsas məsələləri açıqlayarkən qeyd edib ki, bura da Putin fiquru da nəzərə alınmalıdır:
“Zənn edirəm ki, bu görüşdə Ərdoğan bu məqamlara fokuslanacaq. Bu, Türkiyə üçün çox önəmli məqamdır. Ancaq zənn etmirəm ki, S-400-lərdən imtina etsin. F-16 məsələsində uzlaşma ola bilər. Rusiya isə Türkiyənin Amerika ilə yaxınlaşması qarşılığında Suriyada əməliyyatlar aparacaq. Türkiyə tərəfi bu 2 önəmli məqamı tarazlaşdırmalıdır. Suriya da Türkiyə üçün çox önəmlidir. Türkiyənin tək tərəfli mövqe nümayiş etdirəcəyini hesab etmirəm.” – deyə siyasi ekspert vurğulayıb.