Rusiya limanları atəşə tutsa, Kiyev bunu edəcək - Kubrakov

Rusiya liman infrastrukturunu atəşə tutmağa davam edərsə, Ukrayna kənd təsərrüfatı məhsullarını xarici bazarlara alternativ yollarla tədarük edəcək.
reportyor.org xəbər verir ki, bu barədə Ukraynanın İnfrastruktur naziri Aleksandr Kubrakov “Kyiv Post”a müsahibəsində bildirib.
“Bütün bu müddət ərzində mövcud olan “B planına keçəcəyik” (liman infrastrukturunun davamlı atəşə tutulması halında - red.) Yəni, Dunay limanlarından istifadə edəcəyik, dəmir yolundan istifadə edəcəyik...” - nazir qeyd eidb.
O əlavə edib ki, kənd təsərrüfatı məhsulları Polşa, Slovakiya və Macarıstandan keçməklə dəmir yolu ilə ixrac ediləcək: “Yəni, mövcud olan hər şeydən istifadə edəcəyik. Yük maşınları da var, bunun üçün çox iş görmüşük”.