Rusiya ermənilərə səsləndi: Ağıllı olun, qayıdın, yoxsa...

Moskva ilə İrəvan arasında birbaşa dialoq nəticəsində “müttəfiq normallığına” qayıtmaq yeganə ağlabatan həll yoludur. 
Bu barədə çərşənbə günü, aprelin 3-də, Rusiya Federasiyası ilə Ermənistan arasında diplomatik münasibətlərin qurulduğu gün Rusiya səfirliyi məlumat yayıb.
“Biz əminik ki, Moskva və Yerevan arasında birbaşa dialoq nəticəsində yığılmış disbalansın düzəldilməsi və “müttəfiq normallığına” qayıtmaq nəinki mümkün, həm də yeganə ağlabatan həll yoludur”, - deyə Telegram kanalında yerləşdirilən mesajda deyilir.
Mesajda həmçinin qeyd olunub ki, Rusiya və Ermənistan ümumi inteqrasiya birliklərinin (Aİİ, KTMT və MDB) üzvləridir və BMT strukturları çərçivəsində qarşılıqlı fəaliyyət göstərirlər. Ölkələr arasında müxtəlif sahələrdə 200-ə yaxın əməkdaşlıq müqaviləsi var.
        “Rusiya müttəfiqi və mühüm tərəfdaşı kimi Ermənistanla dostluq əlaqələrinin möhkəmləndirilməsinə həmişə xüsusi önəm verib”, - deyə bəyanatda qeyd olunub.