12 yaşlı qızı görün kimə ərə veriblər - FOTO

Qanada 12 yaşlı qız 63 yaşlı ənənəvi keşişlə evləndiyi aşkar edildikdən sonra polisin himayəsi altına alınıb.
Bu barədə BBC məlumat yayıb.
Paytaxtdakı yerli icmaya xidmət edən nüfuzlu bir keşişin ofisi "nikahı" müdafiə edərək bunun yalnız mərasim olduğunu bildirib.
Qanada nikah üçün qanuni minimum yaş 18-dir.
Son illərdə ölkədə uşaq nikahlarının sayı azalsa da, bu hal davam edir.
Polis bildirib ki, onlar qızın şəxsiyyətini müəyyənləşdirə biliblər və o, hazırda anası ilə birlikdə onların himayəsindədir.
        “İstintaq davam edərkən 12 yaşlı qızın ehtiyac duyduğu dəstəyi almasını təmin etmək üçün Sosial Xidmətlər Departamenti ilə əlaqə saxlanılıb”,- açıqlamada deyilir.
Sözügedən keşiş Nuumo Borketi Laweh Tsuru XXXIII, paytaxt Akkranın Nunqua bölgəsində yaşayan icmanın hörmətli üzvü sayılır.