Türkiyə BMT TŞ-nin Qəzzada atəşkəs tələbi ilə bağlı qərarını müsbət qiymətləndirib

Türkiyə BMT Təhlükəsizlik Şurasının Ramazan ayı ərzində Qəzzada dərhal atəşkəs tələbi ilə bağlı qərarını və Qəzzaya humanitar yardımın verilməsini müsbət addım kimi qiymətləndirir.
Reportyor.tv-nin verdiyi xəbərə görə, bu barədə Türkiyə Xarici İşlər Nazirliyinin sözçüsü Öncü Keçeli bildirib.
O, İsrailin sözügedən qərarın tələblərini tez bir zamanda yerinə yetirəcəyinə ümid etdiyini qeyd edib:
“Qəzzadakı humanitar fəlakətə son qoymaq və İsrail-Fələstin probleminə daimi həll tapmaq üçün beynəlxalq ictimaiyyəti İsrailə qarşı ortaq mövqe tutmağa çağırırıq”.