Vaşinqton ultimatum şəklində Qarabağ ermənilərini üçüncü ölkədə Azərbaycan nümayəndələri ilə görüşməyə məcbur edir.
Reportyor.tv xeber verir ki, bu barədə Vaşinqtondakı diplomatik mənbənin RİA-ya verdiyi məlumatda deyilir.
Xəbərə görə, “Vaşinqton ultimatum formasında Qarabağ ermənilərini yaxın gələcəkdə amerikalı kuratorun iştirakı ilə “üçüncü ölkədə” Azərbaycan tərəfi ilə görüşə razılaşmağa məcbur edir. Məqsəd ABŞ-ı regiona daxil etməkdir”, – deyə agentliyin həmsöhbəti bildirib.“Üstəlik, Qarabağ rəhbərliyi bu cür əlaqədən imtina edərsə, o zaman Azərbaycanın regionda antiterror əməliyyatı keçirəcəyi ilə hədələnir”, – deyə o, izah edib.
Agentliyin həmsöhbətinin sözlərinə görə, Amerikanın sülhməramlı təşəbbüsü Qarabağın “xarici işlər naziri” Sergey Qazaryan tərəfindən lobbiçilik edilir və onun maraqları Azərbaycanın maraqları ilə tam üst-üstə düşür”.