DTX rəisi general-polkovnik Əli Nağıyev və DTX-nin şəxsi heyəti məhrum Prezident Heydər Əliyevin vəfatını 18-ci il dönümü ilə əlaqədar onun və akademik Zərifə xanım Əliyevanın məzarlarını ziyarət edib.
Ovqat.com xəbər verir ki, məlumatı DTX İctimaiyyətlə Əlaqələr şöbəsi yayıb.
Məlumatda bildirilir:
“Müasir Azərbaycanın banisi, ümummilli lider Heydər Əliyevin vəfatının 18-ci ildönümü ilə əlaqədar Dövlət Təhlükəsizliyi Xidmətinin rəisi general-polkovnik Əli Nağıyev və DTX-nin şəxsi heyəti Fəxri xiyabanı ziyarət edərək Azərbaycan təhlükəsizlik orqanlarının fəxri rəhbəri, dahi şəxsiyyət Heydər Əliyevin əziz xatirəsini dərin ehtiramla yad etmiş, məzarı önünə əklil qoymuşlar.
Görkəmli oftalmoloq-alim, akademik Zərifə xanım Əliyevanın da xatirəsi anılmış, məzarı üzərinə gül dəstələri düzülmüşdür”.