İran ordusu öz gəmisini bombaladı - Onlarla hərbçi öldü - ŞOK HADİSƏ (YENİLƏNDİ)

İran Hərbi Dəniz Donanmasının dünənki təlimlərində meydana gələn qəza nəticəsində 19 nəfər ölüb, 15 nəfər yaralanıb.
Pubılika.az xəbər verir ki, bu barədə ölkənin İRNA rəsmi informasiya agentliyi İran Hərbi Dəniz Komandanlığının Bəndər Abbas 1-ci Bölgəsi İctimaiyyətlə Əlaqələr Departamentinə istinadən məlumat yayıb.
Qeyd edək ki, departamentdən daha əvvəl verilən yazılı açıqlamada yanlışlıqla meydana gələn hadisə zamanı ən az 1 nəfərin öldüyü bildirilmişdi.
***
10:25
İran donanmasına aid “Cameran” kiçik çaplı müharibə gəmisi Bəsrə körfəzində təlimlər zamanı ölkəyə aid “Konarek” döyüş gəmisini vurub.
Publika.az xəbər verir ki, nəticədə 40-a yaxın İran əsgəri həlak olub.
Bu barədə İran İnqilab Keşikçiləri Korpusuna aid "Cevan" qəzetinin müxbiri Vahid Hacipur sosial media hesabında məlumat paylaşıb.
İran Hərbi Dəniz Komandanlığının Bəndər Abbas 1-ci Bölgəsi İctimaiyyətlə Əlaqələr Departamentindən verilən yazılı açıqlamada yanlışlıqla meydana gələn hadisə zamanı ən az 1 nəfərin öldüyü bildirilib. Olayın detallarına dair məlumatlar paylaşılmayıb.