Abşeron rayonun Qobu qəsəbəsində dəhşətli qətl törədilib.
Publika.az Baş Prokurorluğun Mətbuat xidmətinə istinadən xəbər verir ki, dünən saat 21 radələrində 1991-ci il təvəllüdlü Anar Bəkirovun Qobu qəsəbəsində yaşadıqları evdə qısqanclıq zəminində 1993-cü il təvəllüdlü həyat yoldaşı Leyla Bəkirovanın boğaz nahiyəsinə bıçaqla xəsarətlər yetirərək onu qəsdən öldürüb.
Faktla bağlı Abşeron rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Anar Bəkirov cinayət əməlinin törədilməsində şübhəli bilinərək tutulub.