Türkiyədə müzakirə: Bu ölkənin mövqeyinə qiymət veriləcək

Türkiyə prezidenti Rəcəb Tayyib Ərdoğan yanvarın 23-də Nazirlər Kabineti ilə İsveçin NATO-ya qəbulu prosesini müzakirə etmək niyyətindədir
Reportyor.tv xəbər verir ki, bu barədə “Posta” məlumat yayıb.
Bundan əlavə, Ərdoğan Stokholmda baş verən Türkiyə əleyhinə nümayişlər məsələsinə də toxunacaq. “Son günlər Türkiyəyə qarşı təşkil edilən qalmaqallı etirazlara icazə verən İsveç hökumətinin mövqeyinə qiymət veriləcək”, - nəşr yazır. Müzakirə ediləcək digər mövzunun Ankara ilə Stokholm arasında artan gərginliyin olacağı vurğulanır.
Bundan əvvəl Türkiyənin ədliyyə naziri Bəkir Bozdağ bildirib ki, İsveç terror təxribatlarına məhəl qoymasa, NATO-ya üzvlük üçün dəstək almayacaq. O, yanaşmalara yenidən baxmağı tələb edib.
Publika.az