Azərbaycan millisindən darmadağın - VİDEO/YENİLƏNDİ
Tarix: 25-09-2022, 23:20
Baxılıb: 159
Google+ Paylaş
Tumblr Paylaş

Azərbaycan millisindən darmadağın - VİDEO/YENİLƏNDİ

25-09-2022, 23:20

Azərbaycan yığması UEFA Millətlər Liqasının qrup mərhələsində sonuncu oyununu keçirib.
reportyor.org xəbər verir ki, Canni De Byazinin baş məşqçi olduğu komanda C Liqasında 3-cü qrupun VI tur matçında Bakıda Qazaxıstan seçməsini qəbul edib.
"Dalğa Arena"dakı qarşılaşmanın ilk dəqiqələri kəşfiyat xarakteri daşıyıb. Azərbaycan millisi ara-sıra təhlükəli hücumlar yaratmaq istəsə də, rəqibin müdafiə xəttini keçə bilməyib.
Görüşün 35-ci dəqiqəsində qonaqlar azlıqda qalıb. Nuralı Alip Renat Dadaşova qarşı kobudluq etdiyi üçün sarı vərəqə görüb. Müdafiəçi ardınca Eddi İsrafilovu itələdiyinə görə ikinci sarı vərəqəni alaraq meydandan qovulub. Bundan sonra meydan sahiblərinin hücumlarının kəsəri daha da artıb. 38-ci dəqiqədə rəqib qapıçı İqor Şatski topun qapıdan keçməsinin qarşısını alıb. Tərəflər fasiləyə qolsuz bərabərliklə yollanıblar.
Milli ikinci yarıya daha sürətli başlayıb. Buna baxmayaraq yığma bir saatın tamamına kimi çərçivəyə düşməkdə çətinlik çəkib. 65-ci dəqiqədə Mahir Emrelinin zərbəsi təhlükəli alınsa da, Şatski qonaqları qoldan xilas edib. Komanda bundan bir dəqiqə sonra istəyinə çatıb. 66-cı dəqiqədə Aleksandr Maroçkin avtoqol müəllifi olub. 72-ci dəqiqədə Filip Ozobiç hesab arasındakı fərqi artırmağa yaxın olsa da, top qapının yanından keçib. 31 yaşlı yarımmüdafiəçi bundan iki dəqiqə sonra qonaqları məyus etməyi bacarıb. Ozobiç yığmadakı 10-cu matçında ilk dəfə qolla yadda qalıb. 83-cü dəqiqədə Mahir Emrelinin zərbəsindən sonra top qapı dirəyinə dəyərək geri qayıdıb. 90+1-ci dəqiqədə Anatoli Nuriyev matçda son nöqtəni qoyub. Forvard millidə 11-ci matçda ilk qoluna imza atıb.
Beləliklə, rəqibini 3:0 hesabı ilə məğlub edən Azərbaycan millisi ardıcıl üçüncü qələbəsini qazanıb və xallarının sayını 10-a yüksəldərək qrupu ikinci pillədə başa vurub. Azərbaycan seçməsi 11 ildən sonra Qazaxıstana qalib gəlib. Komanda son olaraq 2011-ci ildə rəqibini 3:2 hesabı ilə üstələyib.
xxx
UEFA Millətlər Liqasının qrup mərhələsinin VI turunda Azərbaycan millisi Qazaxıstanla qarşılaşır.
reportyor.org xəbər verir ki, matçda üçüncü qol vurulub.
Qarşılaşmanın əsas vaxtına əlavə olunmuş birinci dəqiqədə Anatoli Nuriyev millimizin üçüncü qolunun müəllifi olub.
xxx
21:34
Bakıda Azərbaycan və Qazaxıstan yığmaları arasında UEFA Millətlər Liqasının qrup mərhələsinin VI tur oyununda ikinci qol vurulub.
reportyor.org xəbər verir ki, Azərbaycan komandası 74-cü dəqiqədə qonaqları növbəti dəfə mərkəzə dəvət edib - 2:0.
Filip Ozobiçin zərbəsi qarşısıalınmaz olub.
xxx
21:27
Bakıda Azərbaycan və Qazaxıstan yığmaları arasında UEFA Millətlər Liqasının qrup mərhələsinin VI tur oyununda hesab açılıb.
reportyor.org xəbər verir ki, Azərbaycan komandası 67-ci dəqiqədə qonaqları mərkəzə dəvət edib.
Qazaxıstan seçməsinin heyətində Aleksandr Maroçkin avtoqol müəllifi olub.
xxx
20:56
Azərbaycan və Qazaxıstan yığmaları arasında UEFA Millətlər Liqasının qrup mərhələsinin VI tur oyununda ilk hissə başa çatıb.
reportyor.org xəbər verir ki, komandalar fasiləyə qolsuz bərabərliklə yollanıblar.
Görüşün 35-ci dəqiqəsində qonaqların heyətində Nurali Alib birbaşa qırmızı vərəqə alaraq meydandan qovulub.
xxx
20:00
Azərbaycan və Qazaxıstan yığmaları arasında UEFA Millətlər Liqasının qrup mərhələsinin VI tur oyunu başlayıb.
reportyor.org xəbər verir ki, "Dalğa Arena"dakı qarşılaşma saat 20:00-da start götürüb.
Görüşü Harm Osmersin başçılıq etdiyi almaniyalı hakimlər idarə edir.
Qrupun digər matçında Slovakiya Belarusla üz-üzə gəlir.


Google+ Paylaş
Tumblr Paylaş

FACEBOOK ŞƏRH YAZ