Yeni ilə yeni müharibə ilə? - Sülhün imitasiyası İrəvanın başında çatlayacaq!
Tarix: 3-12-2022, 09:28
Baxılıb: 668
Google+ Paylaş
Tumblr Paylaş

Yeni ilə yeni müharibə ilə? - Sülhün imitasiyası İrəvanın başında çatlayacaq!

3-12-2022, 09:28

Bakının sülhə məcburetmə taktikası təzədən işə düşə bilər; erməni politoloq: “Azərbaycan Ordusunun son dərəcə dəqiq, ölçülü-biçili hərbi əməliyyat planı var, İrəvan bir az da o yan-bu yan eləsə...”

2022-ci ilin son ayındayıq. Əfsus ki, başa çatmaqda olan il də Azərbaycanla Ermənistan arasında münasibətlərin normallaşmasına və düşmənçilik səhifəsinin çevrilməsinə gətirmədi. Xarici havadarlarından stimul alan rəsmi İrəvanın apardığı pozucu və sülhü imitasiya siyasəti imkan vermədi.
Hərçənd Brüssel prosesi çərçivəsində, Avropa İttifaqı Şurasının prezidenti Şarl Mişelin vasitəçiliyi ilə anlaşma əldə olunmuşdu ki, 2022-ci ilin noyabr ayı ərzində xarici işlər nazirləri sülh müqaviləsinin ilkin mətnini müzakirə eləsinlər, dekabrda - ilin sonunadək isə müqavilə imzalansın.
Beləcə, bölgədə xeyli artan müharibə riski köhnə ildən təzə ilə adlayır. Ona görə ki, Ermənistan rəhbərliyi sözdə Azərbaycanın ərazi bütövlüyünü tanıdığını bəyan eləsə də, real sənədə gələndə bunu öz imzası ilə təsdiqləmək istəmir, iki ildən çoxdur müxtəlif bəhanələrlə, o sırada “artsax” mövzusunda spekulyasiya eləməklə sülh sazişindən yayınır. Sözsüz ki, qatı ermənipərəst Fransa dövlətinin fitnəkar və təxribatçı addımları Nikol Paşinyan hökumətini bu yöndə daha cəsarətli edir. Sülh danışıqlarını bir az da mənasız hala gətirir.


Google+ Paylaş
Tumblr Paylaş

FACEBOOK ŞƏRH YAZ