Şuşa məktəbliləri şəhidlərimizi anıblar FOTO VIDEO

.Şuşa rayon 10 nömrəli tam orta məktəbin müəllim və şagird kollektivi Şəhidlər Xiyabanını və 2 saylı Fəxri Xiyabanı ziyarət edib. Torpaqlarımızın azadlığı uğrunda canlarından keçən bütün şəhidlərimizin əziz xatirəsi ehtiramla yad olunub. 8 noyabr Zəfər Günü ərəfəsində Vətənin qəhrəman övladlarının uyuduğu məkanları ziyarət edən şagirdlər şəhid məzarları önündə sayğı duruşuna dayanıb və şəhidlərə, qəhrəmanlığa, eləcə də, vətənə həsr olunmuş şeirlər səsləndiriblər.
Pedoqoji kollektivin şagirdləri müşaiyət edən üzvləri məktəblilərə 44 günlük Vətən müharibəsində Azərbaycan əsgərlərinin göstərdiyi şücaətlər haqda xeyli maraqlı hadisə barədə dolğun qəhrəmanlıq hekayələri danışıblar.