Alimlərdən XƏBƏRDARLIQ: Rekord istiləşmə və duzlaşma...
Tarix: 9-12-2023, 09:34
Baxılıb: 100
Google+ Paylaş
Tumblr Paylaş

Alimlərdən XƏBƏRDARLIQ: Rekord istiləşmə və duzlaşma...

9-12-2023, 09:34

ABŞ-ın Sent-Corc şəhərindəki Bermud Okean Elmləri İnstitutundan olan alimlər Bermud adaları yaxınlığında Atlantik okeanının bütün müşahidə dövrü ərzində maksimal həddə istiləşmə qeydə alıblar.
Musavat.com AZƏRTAC-a istinadən bildirir ki, tədqiqat "Frontiers in Marine Science" elmi jurnalında dərc olunub.
"Biz Atlantik okeanının subtropik hissəsində okean səthinin son 40 il ərzində təqribən 1 dərəcə Selsi istiləşdiyini aşkarlamışıq. Bundan başqa, okeanın duzluluğu artıb, oksigenin miqdarı isə aşağı düşüb", - deyə məruzənin müəllifi, professor Nikolas Beyts qeyd edib.
Monitorinq qrupunun məlumatına görə, regionda suyun temperaturu 1980-ci illərdən başlayaraq, hər onillikdə təxminən 0,24 dərəcə Selsi yüksəlib. Tədqiqatçılar müşahidə ediblər ki, son 4 ildə istiləşmə daha da sürətlənib. Bununla yanaşı, okeanda oksigenin qatılığı elə həmin dövrdə 6 faiz aşağı düşüb, turşuluq səviyyəsi 30 faiz artıb. Bu isə qınlı (zirehli) dəniz canlılarının sağlamlığına təsir edə bilər.
Tədqiqatçıların sözlərinə görə, analoji dəyişikliklər dünya okeanının başqa hissələrində də qeydə alınır ki, bu da dəniz mühitində istiləşmə, duzlaşma və oksigen itkisi kimi proseslərlə qlobal əlaqədən xəbər verir.
Reportyor.org


Google+ Paylaş
Tumblr Paylaş

FACEBOOK ŞƏRH YAZ