Rusiya Ukraynaya 105 batalyon taktiki qrupu yerləşdirdi - PENTAQON

Rusiya Donbassda və Ukraynanın cənubunda yüzdən çox batalyon taktiki qrupları cəmləşdirib. Bu rəqəmləri ABŞ Müdafiə Nazirliyi təqdim edib.
Publika.az "RBC-Ukrayna"ya istinadla xəbər verir ki, bu barədə amerikalı jurnalist Cek Detçe məlumat yayıb.
"Rusiya ordusu Ukraynanın mümkün qədər çox ərazisini ələ keçirmək niyyətindən əl çəkməyib. Rusiya hərbi-siyasi rəhbərliyi Ukraynaya 105 batalyon taktiki qrupu (BTQ) yerləşdirib, onların hamısı Donbassda və ya cənubda cəmləşib. Rusiya müharibəyə təxminən 120 BTQ ilə başlyıb", məlumatda deyilir.
Ukrayna Silahlı Qüvvələrinin Baş Qərargahın məlumatına görə, Rusiya qoşunları Xarkovdan geri çəkilir və Ukrayna Silahlı Qüvvələrinin bölmələrinin onların arxasına keçməsinin qarşısını almağa çalışır. İzyum yaxınlığında rusların atəşi intensivləşib.
Xatırladaq ki, Pentaqon Ukrayna Artilleriya Bölmələrinin Rusiya Federasiyasının Donbasda hücum planlarını pozduğunu elan edib.