G7 qərar verdi: Ukraynaya dəstək, Rusiyaya...

G7 xarici işlər nazirləri Ukraynaya güclü dəstəyi və Rusiyaya qarşı ciddi iqtisadi sanksiyaları davam etdirməyə razılaşıblar.
Publika.az xəbər verir ki, paytaxt Tokioda “G7 2023” Yaponiyanın ev sahibliyi ilə qrup ölkələrinin xarici işlər nazirlərinin toplantısı davam edir.
Yaponiya Xarici işlər nazirinin sədrliyi ilə keçirilən iclasda ABŞ, Kanada, Almaniya, İtaliya, İngiltərə və Fransanın xarici işlər nazirləri iştirak edir.
Nazirlər 2022-ci ilin fevralından bəri Rusiyanın hücumlarına məruz qalan Ukraynanın orta və uzunmüddətli yenidən qurulması üçün səylərin artırılacağını təsdiqləyiblər.