Çində koronavirusa yoluxanların sayı azalır.
Virtualaz.org yerli KİV-ə istinadən bildirir ki, bu barədə Çinin Dövlət Səhiyyə Komitəsi məlumat yayıb.
Belə ki, ötən sutka ərzində 15 yoluxma və 11 ölüm faktı qeydə alınıb. Yoluxma hallarının 8-i, ölüm hallarının isə 10-u virusun episentri olan Xubey vilayətində baş verib. Son günlər ilk dəfə olaraq Xubey vilayətində gündəlik yoluxma hallarının sayı təkrəqəmli səviyyəyə düşüb.
Ümumilikdə isə, ölkədə koronavirusa yoluxanların 77,7%-i artıq sağalıb.
Koronavirusdan ölənlərin sayı ümumi yoluxanların 3,9%-ni (3169 nəfər) təşkil edib.