Stoltenberq: NATO Rusiyanın Ukraynada böyük hücuma necə hazırlaşdığını görür

Rusiya müharibə başlayandan bəri ən böyük hücuma hazırlaşır.
APA-nın Şimali Atlantika Alyansının rəsmi saytına istinadən verdiyi məlumata görə, bu barədə NATO-nun baş katibi Yens Stoltenberq Cənubi Koreyaya səfəri zamanı bildirib.
“Biz görürük ki, onlar yeni hücuma hazırlaşırlar, çox sayda əsgəri, 200 mindən çox insanı və bəlkə də daha çoxunu səfərbər ediblər. Onlar fəal şəkildə silah və sursat tədarük edirlər”, - deyə o bildirib.
Stoltenberq əlavə edib ki, NATO Rusiya prezidenti Putinin “bütün Ukraynaya nəzarət” məqsədini dəyişdirdiyinə dair heç bir əlamət görmür.