Şimali Koreya Yapon dənizinə raket atdı

Şimali Koreya Yapon dənizinə daha bir raket atıb.
Publika.az xəbər verir ki, bu məlumatı Yonhap agentliyi Cənubi Koreya ordusuna istinadla yayıb.
Bildirilib ki, noyabrın 17-də səhər saatlarında KXDR dənizə doğru ballistik raket buraxıb.
Qeyd edilib ki, raket buraxılışı Şimali Koreyanın ABŞ-ın genişləndirilmiş mühafizəsinə və Vaşinqton və onun müttəfiqlərinin hərbi fəaliyyətinə sərt cavab verəcəyini vəd etməsindən sonra baş verib.
Xatırladaq ki, noyabrın 1-də KXDR hakimiyyəti ABŞ-ı nüvə müharibəsinə hazırlaşmaqda ittiham etmişdi.
Bundan əlavə, Vaşinqton və Seul birgə hərbi təlimlər keçirərək 240-a yaxın hərbi təyyarədən istifadə etmək qərarına gəliblər.
ABŞ və Cənubi Koreyaya görə, bu təlimlərin səbəbi Şimali Koreyadan gələn təhlükəsizlik təhdidinin artması idi.
Reportyor.tv