8 Noyabr - Zəfər Gününə həsr olunmuş tədbir keçirilib - FOTOLAR

Ölkəmizin ərazi bütövlüyünün bərpasının, əzəli və əbədi torpaqlarımızın azadlığının təcəssümü olan milli bayram - Zəfər Günü münasibətilə tədbir keçirilib.
Musavat.com xəbər verir ki, “Şanlı Zəfər Günü” adlı tədbir noyabrın 7-də “Sona” şadlıq sarayında baş tutub.
Medianın İnkişafı Agentliyinin İcraçı direktoru Əhməd İsmayılov, "Yeni Müsavat" Media Qrupunun rəhbəri Rauf Arifoğlu, politoloq Elçin Mirzəbəyli və bir sıra tanınmış simaların iştirak etdiyi tədbirdə vətən torpaqlarının azadlığı uğrunda şəhid olan hərbçilərin və mülki vətəndaşların əziz xatirəsi bir dəqiqəlik sükutla yad edilib.
Tədbirin aparıcıları 8 Noyabr tarixinin Zəfər Günündən, hərbçilərimizin cəsarətindən, qəhrəmanlığından bəhs ediblər.