Bakı-Sumqayıt qatarında sərnişinin halı pisləşdi

Bakı-Sumqayıt elektrik sərnişin qatarında qadın sərnişinin halı pisləşib.
reportyor.org-un verdiyi xəbərə görə, buna səbəb qatardakı sıxlıq olub.
Belə ki, sərnişin ürəyində problem olduğunu və qatardakı sıxlığın ona pis təsir etdiyini polis əməkdaşına bildirib. Dərhal polis əməkdaşı tərəfindən qadına köməklik göstərilərək qadın digər vaqona aparılıb. Qatar növbətçisi qadına ilkin tibbi yardım göstərib.
Daha sonra polis əməkdaşları Bakı Dəmir Yolu vağzalına təcili yardım çağırıb.