loading...

Kəmaləddin Qafarov üçün səhiyyə rəzaləti: Onkologiya Mərkəzi rüşvət xərçənginə tutulub

Gələn ilin dövlət büdcəsində səhiyyə xərcləri üçün 775,8 milyon manat vəsait ayrılıb. Bunun dövlət büdcəsi xərclərinin tərkibində xüsusi çəkisi 4,7 faiz təşkil edəcək ki, bu da 2016-cı illə müqayisədə 0,2 faiz-bənd çoxdur. Ayrılan vəsaitin 365,7 milyon manatı və ya 47,1 faizi xəstəxanaların, 116,1 milyon manatı və ya 15,0 faizi poliklinikaların və ambulatoriyaların saxlanılmasına, 6,0 milyon manatı və ya 0,8 faizi səhiyyə sahəsində digər xidmətlər üzrə xərclərə, 288,0 milyon manatı və ya 37,1 faizi səhiyyə sahəsində tətbiqi tədqiqatlar sahəsinə aid edilən digər xidmətlər üzrə xərclərə yönəldiləcək. Amma zaman onu göstərib ki, Azərbaycan səhiyyəsinin əsas problem dövlət büdcəsindən ayrılan vəsaitlə bağlı deyil.
Anaxeber.az olaraq ölkənin mühüm səhiyyə ocaqlarından biri olan Milli Onkologiya Mərkəzindəki durumu araşdırdıq. Klinikaya müraciət edənlərin ən ağır xəstəliyə yoluxduğunu və yaşamaq şansı az olan insan olduğunu nəzərə alsaq, tibb ocağı daha insaflı davranmalıdır.
Ancaq bu, nə baş həkimi, nə tibb personalın maraqlandırır. Milli Onkologiya Mərkəzində pulsuz tibbi xidmət barədə nazir Oqtay Şirəliyevin məlum sərəncamı bu klinikada “sabun köpüyü”nə çevrilib - “pulunu ver, şəklini çəkdir”. Pulsuz deyilən Azərbaycan səhiyyəsində - Milli Onkologiya Mərkəzində rüşvət alma, daha doğrusu boğa-boğa soyulma hallarını Anaxeber.az olaraq diqqətinizə çatdırırıq:
1.İnsanlar onkoloji xəstəlik şübhəsi yarananda ilk müraciət etdikdə müayinə üçün cürbəcür adlarla 500 manata yaxın pul verməli olurlar.
2.Onkoloji xəstəlik müəyyən edildikdə kimyaterpiya keçmək üçün müayinə sənədlərini müalicə edəcək həkimə çatdırılması insanların özlərinə qadağandır. Həmin müayinə kağızlarını bir korpusdan başqasına aparmaq üçün əməkdaşlara 20 manat verilməlidir.
3.Kimyaterapiya 300 manatdır. Bundan əvvəl də bəzi müayinləri keçmək üçün 60 manatdan 100 manata qədər də rüşvət verilməlidir. Nəzərə almaq lazımdır ki, xərçəng xəstəliyinə tutlumuşlar hər 21 gündən bir kimyaterapiya qəbul etməlidirlər və hər dəfə də eyni pulları verməlidirlər.
4.Bəzi xəstələrin şüa da qəbul etməsi qaçılmazdır. Onun da 28 seansı 1000 manatdır.
5. Qan analizi, UZİ, kardeoqrammanın qiyməti 20 manat olaraq müəyyənləşib.
Bu fantastik rəqəmi açıqlayan qaynağımızın sözlərinə görə, tibb müəssisəsində açıq şəkildə bazar şəraiti yaradılıb. Onkologiya MərKlinika rəhbərliyi ölüm ayağında olan vətəndaşlara qarşı amansız rəftarı ilə diqqət çəkir. Səhiyyə nazirinə bu tibb ocağından kütləvi şikayətlər daxil olmaqdadır. Eyni zamanda Prezidentə və Baş Prokurorluq yanında Korrupsiyaya Qarşı Mübarizə İdarəsinə də şikayət ərizələri göndərilir. Mənbə iddia edir ki, Onkoloji klinikada 4 min manata başa gələn əməliyyat İran, Gürcüstan və Türkiyədə qat-qat ucuz həyata keçirilir. Bu isə Azərbaycan səhiyyəsinə olan inamı yerlə bir edib. Görünür Milli Onkologiya Mərkəzinin rəhbərliyi xalqı dövlətdən narazı salmaqla öz mənfəətini güdür. Elə buradaca Anaxeber.az olaraq xatırladaq ki, bu səhiyyə ocağının rəhbərləri sıradan bir şəxslər deyil. Onkoloji Mərkəzinin rəhbəri Cəmil Əliyev Prezident Administrasiyası Səhiyyə şöbəsinin müdiri postunu tutur, Milli Onkologiya Mərkəzinin director müavini Kəmaləddin Qafarov isə millət vəkili mandatı daşıyır, Milli Məclis Səhiyyə Komitəsinin üzvüdür.
Kəmaləddin Qafarov üçün səhiyyə rəzaləti: Onkologiya Mərkəzi rüşvət xərçənginə tutulubБесплатные шаблоны для 10.5Forex Портал для чайников

вклады под проценты
инвестиции в интернет проекты
Paylaş:   

Oxşar olan digər xəbərlər