loading...

Banklardan təxribatçı qoçuluq: “Prezident, borclular özünü yandırmaq həddində...” - ÖZƏL

Kommersiya bankları kredit ödəyicilərinin xirtdəyindən yapışıb. Problemli kreditlərlə iş şöbələrinin əməkdaşları bir-bir evlərə zəng edir, vətəndaşların qapısına qədər gedib çıxır, onları hədələyir, məhkəmə ilə qorxudur, hətta polislə təhdid edir.

Bu barədə Politika.Az-a çoxsaylı şikayət məktubları ünvanlanır. Vətəndaşlar qeyd edirlər ki, bu gedişlə bankların qarşısında kütləvi şəkildə özlərini yandıranlar olacaq.

Onların sözlərinə görə, prezident İlham Əliyev məsələyə təcili şəkildə reaksiya verməsə banklar insanları intihara sürükləyəcək. Kredit borcu içində boğulan minlərlə insan bank işçilərinin təhdid, hədə-qorxularından cana doyublar.

Vətəndaşlar deyirlər ki, kreditlərin ödənişində güzəştlər tətbiq olunmalıdır. Nəzər alsaq ki, əksər banklar, iri müəssisələr dövlət məmurlarının, oliqarxiyaya çevrilmiş nazirlərin nəzarətindədir, bu halda tədbirlər görmək mümkündür.

Prezidentdən təxirəsalınmaz və operativ göstərişlər gözləyən kreditorlar bildirirlər ki, vətəndaşlar arasında bankların qabağında üstünə benzin töküb özünü yandıranların olacağı qaçılmazdır. Hərçənd, geridə qalan dövrdə bu faktlar bir neçə dəfə baş verib.

Politika.Az-a verilən xəbərə görə, bank əməkdaşları qanunsuzluq edirlər, insanların sosial həyatını nəzərə almırlar, işsiz və yoxsul əhaliyə güzəştə getmirlər.
Hazırda məhkəmələrdə minlərlə kredit problemi barədə işlər var. Hakimlər də bu işlərə baxmaqdan imtina edirlər.

Bilirlər ki, iqtiadi böhran xalqın vəziyyətini ağırlaşdırıb və qərarda çıxarmaqla insanları radikallaşdırırlar. Ancaq bankların rəhbərləri bunu nəzərə almırlar.

Əldə etdiyimiz xəbərə görə, bu proses birbaşa prezident İlham Əliyevə qarşı siyasətdir. Məmurlar istəsələr onların nəzarətindəki banklara göstəriş verə bilər ki böhrana görə əhaliyə güzəşt olunsun, müvəqqəti perioddur.

Ancaq daha da vətəndaşın üstünə getməklə onu dövlətdən narazı salırlar, prezidentə qarşı qaldırırlar. Vətəndaşlar isə işsiz, pulsuz olduğuna görə ödəniş edə bilmirlər.

Dövlətə etibar edib onun lisenziya verdiyi banklardan kredit götürən insanlar indi işsiz, ac-yalavac duruma düşüb və ödənişə imkanı çatmır.
Banklardakı qoçu dəstələri isə vətəndaşların boğazından yapışıb az qala dərisini soysunlar. Bu da İ.Əliyevə qarşı belə həssas zamanda təxribatdan başqa bir iş deyil.

Politika.Az
Banklardan təxribatçı qoçuluq: “Prezident, borclular özünü yandırmaq həddində...” - ÖZƏLБесплатные шаблоны для 10.5Forex Портал для чайников

вклады под проценты
инвестиции в интернет проекты
Paylaş:   

Oxşar olan digər xəbərlər