Qazaxıstan Prezidenti Kasım-Jomart Tokayev çərşənbə axşamı yerli vaxtla saat 11:15-də parlamentin aşağı palatasının deputatları qarşısında çıxış edəcək və ölkənin yeni baş nazirinin namizədliyini təqdim edəcək.
Publika.az "RIA Novosti"yə istinadla xəbər verir ki, bu barədə dövlət başçısının mətbuat katibi Berik Uali bildirib.
“Bu gün saat 11:15-də dövlət başçısı Qasım-Jomart Tokayev parlamentin iclasında iştirak edəcək və burada yeni baş nazirin namizədliyini təqdim edəcək. O, həmçinin böyük nitqlə çıxış edəcək. Siyasi və sosial-iqtisadi sahədə aktual problemlərin həlli ilə bağlı konkret vəzifələr qoyacaq", - Uali qeyd edib.
Xatırladaq ki, Tokayev yanvarın 5-də ölkədə iğtişaşlar fonunda hökuməti istefaya göndərib.