loading...

Qədim müalicə üsulu - hacamat

Qədim müalicə üsulu - hacamat- Sağlamlıq ruhdan gəlir -

Bildiyimiz kimi, tibb elmində bir xəstəliyin bir neçə müalicə üsulları var. Həm tibbi nöqteyi nəzərdən, həm də el arasında deyildi kimi türkəcarə yolu ilə edilən müalicələrin hər birinin öz yeri var. Ancaq tibb elmi son illər yüksək səviyyədə inkişaf etdiyindən türkəcarə müalicəsinə bir o qədər də ehtiyac qalmır. Bəzən elə tibbi müalicə üsulları arasında əsası türkəcarəyə yönələn müalicə üsulları da var. Ancaq türkəcarə ilə müalicə edən ara adamından fərqli olaraq, bunu hərtərəfli tibbi savada malik həkimlərin bu müalicə üsullarını yerinə yetirməsi daha məqsədəuyğundur.
Yeri gəlmişkən bir məqamı da vurğulamaq istərdik. Azərbaycanda ümumiyyətlə tibbi maarifləndirmə olduqca zəifdir və bu səbəbdən bir çox insanlar yalnız xəstəlik ağırlaşandan sonra həkimə müraciət edirlər. Elə “Sağlamlıq ruhdan gəlir” rubrikasını açmaqda məqsədimiz də oxucularımız arasında tibbi maarifləndirmə işini həyata keçirməkdir. Rubrikanın aparıcısı isə öz peşəsinin vurğunu, bacarıqlı həkim-nevropatoloq Könül Nəsirovadır. İndi Könül xanımın kökü qədimlərə gedib çıxan və bu gün müasir formada tədbiq edilən bir müalicə üsulu barədə yazısını təqdim edirik:

Məlumdur ki, tibb elminin kökü çox qədimlərə gedib çıxır. Qədim dövrlərdə tətbiq edilən bir çox müalicə üsullarının nədəni müasir tibb elminə hələ indi-indi aydın olur. Belə alternativ müalicə üsulları təbii ki, çoxdur. Ancaq mən bu üsullardan biri haqqında, hansı ki, kökü 5 min il bundan öncəyə dayanan “Vakum terapiyası” haqqında məlumat vermək istəyirəm. Bu üsul el arasında ərəb kəlamı olan “hacamat” kimi də tanınır. Hətta Məhəmməd Peyğəmbərin (s.a.v) bu haqda bir kəlamı da var: “Sizin tedavi (müalicə) almaq üçün baş vura biləcəyiniz ən gözəl carə hacamatdır”.
Bu üsul banka və ya kupa (küpə) vasitəsi ilə orqanizmin müəyyən nöqtələrindən, hansı ki, xətəliklər məhz orada təzahür edir, dəqiq çiziklər (çərtmə) atmaqla çirklənmiş qanın xaric edilməsidir. Burada zəruri bir məqamı da xatırlatmaq istəyirəm. Belə ki, xəstəliyin təzahür etdiyi dəqiq nöqtələrdən bir balaca sağa, sola və ya aşağı, yuxarı çərtilərsə, bu, çox ciddi fəsadlara yol aça bilər. Sonuçda heç bir müsbət nəticə alınmayacaq, əksinə, xəstəlik daha da ağırlaşa bilər. Ona görə də xəstə mütləq müalicədən qabaq həkim tərəfindən müayinə olunmalıdır ki, xəstəliyin hansı nöqtələrdə olduğu dəqiq bilinsin.
Qədim müalicə üsulu - hacamat

Beləliklə, hacamat və ya vakum terapiyası möcüzəvi müalicə üsuludur, yəni qan detoksudur, təmizlikdir. Vakum müalicə, xəstələnmədən öncə xəstəliklərə qarşı orqanizmi dirəncli (müqavimətli) tutmaq, xəstləliklərdən qorunmaqdır. Vakum müalicə insanlara hər yöndən, həm qoruyucu, həm də müalicəvi baxımdan faydalıdır. Hamımıza məlumdur ki, əvvəlki dövrlərə nisbətən indi xəstəliklərin sayı daha da artıb. Demək olar ki, tam sağlam insan indi çox azdır. Bəs bu nə ilə əlaqədardır?
Əlbəttə ki, düzgün seçilməyən həyat tərzi, alkaqol, tütün, çirklənmiş ekologiya, tərkibində müxtəlif qatqı, konserogen və hormon olan qidalar, hətta müalicə məqsədilə tətbiq edilən kimyəvi dərmanların metabolik qalıqları və s. xəstəliklərin artmasına səbəb olan amillərdir. Bəs orqanizmə daxil olan bu toksik maddələri necə xaric etmək olar?
Bunlardan az bir miqdarı təbii yollarla, məsələn, tər, ifrazat, qulaq kiri və s. yollarla orqanizmdən kənarlaşır. Bəs indi görək bunlar orqanizmin təmizliyi üçün kifayətdirmi? Əlbəttə ki, yox! Məhz həmin toksidlər, radikal birləşmələr, qazlar kapilyar sistemdə toplanaraq, zaman-zaman müxtəlif xəstəliklərə səbəb olur.
Profilaktik və ya qoruyucu vakum müalicəsininməqsədi həmin xəstəliklərin qarşısını almaqdır. Yox, əgər xəstəlik artıq baş veribsə, bu zaman vakum müalicəsindən istifadə edilir. Vakum müalicəsi pıxtalaşmış(qatılaşmış)toksinləri, radikal birləşmələri, qazları oksidləşdirən zəhərli qanı xaric edərək, orqanizmi normal hala gətirir. Bu zaman qan təmizlənir, durulaşır və oksigenlə (O2) zənginləşir. Bu isə digər orqan və toxumaların qanla təchizini yaxşılaşdırır və hər hansı bir fəsad varsa, aradan qaldırır.
Bu müalicə üsulu ilə 100-ə yaxın xəstəlik çox möcüzəli bir sonucla yaxşılaşır. Hətta xolestrini yüksək olan insanlarda bir seansdan sonra xolestrinin səviyyəsinin əməlli-başlı azalması müşahidə edilir. Halbuki ənənvi tibbdə kimyəvi dərmanlarla buna çox çətinliklə nail olunur. Vakum müalicəsi eyni zamanda yüksək təzyiq, şəkərli diabet, ürək-damar, böyrək xəstəlikləri, qaraciyər piylənməsi, müxtəlif mənşəli baş ağrıları, stress, fəqərə diskinin yırtığı, protruziyalar, əzələ ağrıları və s. xəstəliklərin sağalması və orqanizmin yenilənməsi üçün çox əhəmiyyətlidir.
Vakum müalicə üsulu tibbi bilgisi və əl bacarığı olmayan insanlar tərəfindən yerinə yetirilərsə, bu, bir çox neqativ hallara səbəb ola bilər. Odur ki, sağlamlığınızı naşı əllərə etibar etməyin. Yaddan çıxartmayın ki, müntəzəm olaraq, qanını təmizləyən insanların xəstələnməsi çox nadir hallarda olur. Hər bir insanın sağlamlığı onun öz əlindədir. Ona görə də gəlin sağlamlığımızı qoruyaq. Necə deyərlər, hər kəs yüz il yaşamasa, günah onun özündədir.

Könül Nəsirova,
həkim-nevropatoloq
Əlaqə telefonu: (050) 751-37-27

Yazını çapa hazırladı və təqdim etdi:
Elçin MəmmədliБесплатные шаблоны для 10.5Forex Портал для чайников


Paylaş:   

Oxşar olan digər xəbərlər