Rusiya nümayəndə heyətinin Türkiyəyə səfəri təxirə salındı

Rusiya nümayəndə heyətinin Türkiyəyə iyunun 14-nə nəzərdə tutulan səfəri təxirə salınıb.
Publika.az Türkiyə mətbuatına istinadla xəbər verir ki, bu barədə Türkiyənin Xarici İşlər Nazirliyindən məlumat verilib.
Bildirilib ki, Türkiyənin və Rusiyanın xarici işlər nazirləri Mövlud Çavuşoğlu və Sergey Lavrov arasında baş tutan telefon danışığı zamanı tərəflər səfərin yaxın günlərdə reallaşdırılması ilə bağlı razılıq əldə ediblər.
Qeyd edək ki, səfər Türkiyə və Rusiya prezidentləri Rəcəb Tayyib Ərdoğan ilə Vladimir Putin arasında iyunun 10-da keçirilən telefon danışığı zamanı razılaşdırılmışdı.