Rayonlarda qaydalar sərtləşdirilə bilər - Ramin Bayramlı

Karantin qaydalarının yumşaldılması beynəlxalq təcrübəyə əsaslanır.
Publika.az xəbər verir ki, bunu TƏBİB-in İdarə Heyətinin sədri Ramin Bayramlı Operativ Qərargahın brifinqində deyib:
"Bundan sonrakı həyatımızda sosial məsafə saxlamalı, qoruyucu vasitələrdən istifadə etməliyik. Maskalara tələbat artarsa, maskaların evdə hazırlanması ilə bağlı təlimat hazırlanıb. Bu vərdişləri öyrənərək, maska hazırlanması ilə bağlı bəhanələr gətirilməməli, qaydalara riayət olunmalıdır".
O qeyd edib ki, əgər yoluxma hallarında statistik göstəricilər arzuolunan istiqamətdə getməsə, müəyyən rayonlarda qaydalar sərtləşdirilə bilər.